Ways to join
牛哥講經丨廣東話哲學、書籍分享
$7.99/month
- Bonus episodes
- Video episodes
- Full-length episodes
- Ad-free listening
For members only
139 episodes
- 德勒茲論尼采(1):以精神三變(駱駝、獅子、孩子)對應尼采人生丨西哲幼稚園EP33丨《尼采》喺鄂蘭導讀系列,我哋見到鄂蘭對柏拉圖哲學嘅反思。但如果要數反思柏拉圖嘅代表,就唔能夠唔提尼采。但係讀尼采原典又好難搵到切入嘅門路、最近講傅柯又提到尼采,所以我就想用法國哲學家吉爾・德勒茲(Gilles Deleuze)所寫嘅《尼采》書仔,同大家嘗試掌握尼采思想嘅脈絡——德勒茲眼中嘅尼采具有系統,唔係一個支持納粹或者滿嘴狂言嘅痴線佬。今集,我哋要約略講下《查拉圖斯特拉如是說》(我哋之後都會睇其他哲學家解《查拉圖斯特拉如是說》,到時你又可以對比一下。)《查拉圖斯特拉如是說》(Zarathoustra)嘅開場白係一段長篇序言——查拉圖斯特拉落山行入市集,向大眾宣講上帝已死同超人嘅概念。但結果係大眾當佢係傻佬,掛住睇行鋼線表演,完全聽唔入耳。經歷市集嘅挫敗之後,查拉圖斯特拉覺醒:唔可以再對住盲目嘅大眾講嘢,佢需要搵一班真正願意改變嘅門徒。呢個時候,序言結束,第一卷嘅正文正式開始。而法國哲學家德勒茲認為正文開首,亦即係三個變形(métamorphose)可以對應尼采本人嘅人生。《查》:「精神如何變成駱駝,駱駝如何變成獅子,到最後獅子如何變成孩子。」駱駝係馱物嘅動物,佢背負住既定嘅價值,亦即係教育
- 【分析知行合一之結構】互相穿透之知行觀丨discord讀書組(50)丨鄭宗義,《從宋明理學到當代新儒家》有時星期六夜晚九點都有discord讀書組!discord讀書組嘅討論,志在表述各人閱讀成果,其中嘅不解或批評,都係期望互相交流,並非定論。另外,即時討論中,口誤、論述未完全展現,在所難免。本集章節:開始 00:00俱起:意欲,求知行動嘅開始 05:27互相穿透:知長安、到長安 30:35錯解朱子? 56:42身心意知物 01:14:27閱讀材料:《從宋明理學到當代新儒家》
- 〔傅柯誕辰一百周年企劃〕傅柯簡介(1):一個遊牧思想家——思想三變:考掘學、系譜學、倫理學丨西哲幼稚園EP32丨劉國英,《當代歐陸哲學家臉譜》如果要數畀人貼上最多唔同標籤嘅一位當代法國哲學家,咁傅柯好可能係冠軍——咩結構主義、後結構主義、後現代主義……甚至,有啲論者將「後真理」呢個喺傅柯過身之後差唔多二十年先出現嘅標籤,都夾硬擺喺佢頭上。但傅柯對種種標籤都一概否認,亦都可以話,標籤傅柯係無視傅柯嘅多次宣稱。當然,標籤失敗,只係講緊佢採取嘅方法,同當時流行嘅學派標籤亦有所不同,唔代表我哋搵唔到傅柯嘅思想核心。而傅柯嘅思想核心,從喺佢晚期位於法蘭西學院嘅兩個講課嘅主題就可以見到,亦即係「主體性與真理」(呢度嘅真理唔係西方傳統下嘅真理,更靠近於規則)。劉:「他不同階段的研究,都可以被總結為關於主體與真理的關係、或主體與真理遊戲(jeux de vérité)之間的關係──關於主體的真理之陳構要依據怎樣的規則──的研究。」今集,我哋會以劉國英嘅《當代歐陸哲學家臉譜》,睇睇傅柯所採取嘅獨特方法——劉國英指出,傅柯係一位遊牧思想家(a nomad thinker)。2026年10月15日係傅柯誕辰一百周年,我哋會一齊總覽一下傅柯思想,預計三到四集。之後先講尼采。今集係「遊牧四重奏」,我哋從四個面向理解傅柯作為遊牧思想家嘅特質,內容分成以
- 牛哥解經(34):細讀心經(5)——咒語之王,解「菩提薩埵,依般若波羅蜜多故,心無罣礙。無罣礙故,無有恐怖,遠離顛倒夢想,究竟涅槃。……」句丨印順法師,《般若波羅蜜多心經講記》如果你曾經對《心經》中嘅「空」與「無所得」感到迷惘,甚至覺得虛無,咁你嘅思想轉念只差一步——正因為無嘢可以執著,先至可以拔除苦厄嘅根本,呢個就係佛教為我哋保證嘅「果報」。只係,凡夫如你我,容易執著實有,處處碰壁,就好似莊子筆下「月更刀」嘅庸常屠夫;而菩薩依止般若,心無罣礙,能斬斷顛倒夢想與生死恐怖,達到「游刃有餘」嘅清淨境界。修道難行,所以《心經》最後為咗接引大眾而設「方便適化」——透過一心持誦達致定境,一齊邁向解脫嘅彼岸。今集內容包括:得般若果 涅槃果──三乘共果:菩提薩埵,依般若波羅蜜多故,心無罣礙。無罣礙故,無有恐怖,遠離顛倒夢想,究竟涅槃。 菩提果──如來不共果:三世諸佛,依般若波羅蜜多故,得阿耨多羅三藐三菩提。 喻讚般若德:故知般若波羅蜜多,是大神咒,是大明咒,是無上咒,是無等等咒,能除一切苦 ,真實不虛。 曲為鈍根說方便:故說般若波羅蜜多咒,即說咒曰:揭諦揭諦,波羅揭諦,波羅僧揭諦,菩提薩婆訶。 大結
- 牛哥三個字|或然率:從巧合討論命運,用莊子睇《First Love》因技術問題,收入會員。兩個人嘅相遇,往往係因為巧合。但面對呢個機率咁低嘅巧合,應該相信巧合係由命運譜寫,定係隨機事件嘅碰撞呢?愛情,係命中註定定係一場偶然?相信呢個問題,係唔少喺Netflix 睇完《First Love》嘅人都會去思索。今次,牛某一齊同你思索「或然率」,去分析「命運」呢個概念嘅意思。然後,你會發現「命中註定」係非常現實。今集內容會以《First Love》 嘅故事為基底,驚劇透嘅話就唔好聽落去喇。內容摘要:「人習慣忘記自然巧合、忘記搵到嗰一個蘋果既係命中巧合,同時亦係自然巧合嘅事實。」「人想要解釋過去、想要保證未來,結果自己想像成自己或某人人生嘅編劇,去將過去發生嘅事件串連,稱之為命運嘅進程。其實......」「傳統中國文化並無「命運」呢個概念,你搵晒成個先秦嘅文獻都唔會有。古人就唔想像有一個高高在上嘅視角去透視人嘅未來、決定人嘅未來。古人只有提倡「知命」。」「命中巧合,係我生命中嘅巧合,我生命,就係由我掌管。知命唔係要知道他人為自己譜寫嘅命運,而係......」_____Instagram: @cowgortalkYouTube:讀物農莊 Anybooks F
- 牛哥解經(33):細讀心經(4.2)——心經之三層空觀,第二、三層:破四諦、正果,解「無無明。亦無無明盡。乃至無老死。亦無老死盡。無苦集滅道。無智亦無得。以無所得故。」句丨印順法師,《般若波羅蜜多心經講記》上次,我哋總結《心經》從三個層次嚟破執,即係破事、破理、破果。上集講咗破事,即係破六根、十二處、十八界,照道理你會覺得唔意外,因為根、處、界都係一切法(宇宙萬象)嘅分類,佛學要破,似乎理所當然。但係今集就要講破理、破果。亦即係要講: 「無無明。亦無無明盡。乃至無老死。亦無老死盡。無苦集滅道。無智亦無得。以無所得故。」其實,所謂破理、破果,佛學係想你見到另一套「因果」。今集內容包括以下部分:無無明,亦無無明盡;乃至無老死,亦無老死盡:我哋會用「有」同「生」嚟解釋緣起。印順認為我哋應該用「圓」嘅視角嚟睇十二緣起。無苦集滅道:苦集滅道,即係四聖諦。我哋會簡述四聖諦嘅意涵,以「醫喻」幫助你理解。無智亦無得:我哋會用能觀/能得、所觀/所得嚟理解。以無所得故:藉由兩種常人理解嘅「空」,以及佛學所講嘅「真空」,以「以無所得故」總結《心經》。依家,我哋由十二緣起講起。
- 鄂蘭,《人的條件》導讀(3):「脆弱的Polis」——反思power同政治嘅「必要之惡」丨西哲幼稚園EP31丨劉國英,《當代歐陸哲學家臉譜》喺現代人嘅常識入面,政治好多時都被視為一套冷冰冰嘅架構,或者係骯髒嘅權力鬥爭,但無論如何,政治都需要存在,因為佢係為咗管治而存在嘅「必要之惡」;而自由,就被簡化為唔受干預嘅個人權利,或者係內心某種虛無縹緲嘅「意志」。不過,鄂蘭話畀我哋知,呢種對政治同自由嘅理解係忘記咗過去人類嘅輝煌傳統,而呢種失落同極權主義嘅掘起其實有住一絲扣連。上集,我哋提到鄂蘭對勞動、製作同行動嘅唔同理解以及關係。今集,我哋會將焦點放喺「行動」,反思Polis,aka 政治,以此了解「行動」。第一部分,「何謂自由」,鄂蘭認為自由唔係個人內在嘅「意志」,亦唔係單純嘅選舉權等外在權利,而係相應住人被動嘅實存境況。第二部分,「何謂政治」,通常理解下,政治係講緊國家機器或者政府管治,但鄂蘭指出希臘公民喺城邦(Polis)作嘅活動,先算係政治,不過呢種活動有一種脆弱性……第三部分,「power and strength」,講述權力(Power)同暴力、強制或者個人嘅強力(Strength)嘅分別。第四部分,「政治:唔係「必要之惡」,以往,話政治係「必要之惡」,意思係避免互相殘殺嘅管治手段。但鄂蘭唔從惡嚟看待政治……第五部分,
- 【亞伯拉罕:埃爾聖約】真一神論興起2.2:舊約入門教科書:「從創世到亞伯拉罕……先祖從來不知道祂叫耶和華。」丨生活雜談EP58丨《造神》第六章喺「真一神論興起」2.1集,我哋提到以色列同迦南文化關係密切,而作者指出以色列嘅族長亞伯拉罕,一生大部分時間都生活喺迦南地帶,就算佢唔係迦南人,亦都早已深深沉浸喺迦南嘅文化同宗教之中。有趣嘅係,舊約入門教科書Reading the Old Testament: Introduction to the Hebrew Bible指出,亞伯拉罕照道理係唔知道神叫做耶和華。咁到底同亞伯拉罕立下聖約嘅神係邊個?今集內容包括以下部分:如果亞伯拉罕不知道耶和華亞伯拉罕的聖約——祭司文獻與伊羅興文獻之別依家,我哋開始講講亞伯拉罕嘅故事。而我哋會開始於一個問題——到底亞伯拉罕知唔知道佢所敬拜嘅,係耶和華呢?
- EP27【特備節目】《一九八四》:對極權最深刻嘅反省因技術問題,收入會員。 對應近來鄂蘭《極權主義的起源》、《人的條件》集數。
- 鄂蘭,《人的條件》導讀(2):「行動生活」——勞動、製作、行動丨西哲幼稚園EP30丨劉國英,《當代歐陸哲學家臉譜》上集提到,鄂蘭嘅目標係從存在論(ontology)基礎為人嘅自由作出說明,並提出一門關於「人嘅自由呈現方式」嘅現象學描述——劉國英形容為一門「公共世界的現象學(phenomenology of the public world)」嘅綱要,亦係鄂蘭構想中嘅全新政治哲學嘅根基。回答完「人嘅自由點樣成為可能」,今集,我哋就要思考一下「人嘅自由以咩方式顯現」呢條問題——而自由嘅顯現方式,就係「行動生活」,咩係「行動生活」?鄂蘭:「在中世紀哲學裡,該語詞是亞里斯多德的「bios politikos」(政治生活)的標準翻譯,最早見於奧古斯丁,作「vita negotiosa」 或「actuosa」(忙碌的或實踐的生活),在這裡可以反映出它原本的意思:一個致力於公共政治事務的生活。」點樣先可以「致力於公共政治事務的生活」呢?喺第一部分,「「行動生活」的三大類型」,我哋會睇下鄂蘭對勞動(labor)、製作(work,又譯為工作),同埋行動(action)嘅定義。第二部分,「人之所以為人」,鄂蘭之所以談及「人的境況」(human condition),其實係因為佢認為探求「人性」(human natur
- 鄂蘭,《人的條件》導讀(1):「公共空間」——重溫希臘傳統,柏拉圖盡顯哲學嘅傲慢——“the city had no use for a philosopher“丨西哲幼稚園EP29丨劉國英,《當代歐陸哲學家臉譜》雖然鄂蘭經常否認自己係哲學家,但其實喺《極權主義的起源》嘅終章,佢已經為自己頒布咗一個哲學任務:建立一套哲學人學(philosophical anthropology),以便說明人喺存在論層面上係自由,從而為其他層面嘅自由定下基礎。鄂蘭繼《極權主義的起源》之後嘅另一部著作,係《人的境況》(The Human Condition, 1958,又譯「《人的條件》),目的就係要為「人之 為自由存在」作存在論層面嘅說明。《人的條件》喺一開始就以定義行先,但我哋今集試下大概講下《人的條件》嘅幾個特別睇法,下集先再講佢嘅定義,相信你會更容易掌握鄂蘭點解要咁樣定義。喺第一部分,「私人與公共領域」:我哋會以「自由」嘅兩種境況,連接《極權主義的起源》同《人的條件》,然後理解鄂蘭點樣用希臘城邦嘅私人同公共領域嘅自由,回應柏林嘅「積極自由」(positive liberty)同「消極自由」(negative liberty)。第二部分,「人之自由之可能」:鄂蘭嘅其中一個哲學任務,就係解決人嘅自由點解可能。當我哋以沙特作為對比,就會明白鄂蘭答案嘅特色。第三部分,「反思柏拉圖」:我哋可能會以為柏拉圖代表住希臘思
- 鄂蘭,《極權主義的起源》導讀(2):「極權主義」——以「一切都是可能的」製造「多餘的人」與「極端的惡」丨西哲幼稚園EP28丨劉國英,《當代歐陸哲學家臉譜》當一個世界出現新思想,唔一定係一件好事。鄂蘭指出,極權主義有個特別嘅地方,在於佢係人類歷史中從未出現過嘅新現象。因而,佢強調:我哋必須從歷史「新穎性」去理解極權主義,而唔係訴諸某種既定嘅所謂「歷史必然性」(historical necessity)唔能夠單單從思想或觀念層面嚟說明極權主義嘅誕生。相反,我哋必須從極權主義現象嘅結構性特徵,以及佢所包含嘅元素去理解。既然係新現象,我哋就要將極權主義同人類歷史上曾經出現過嘅暴君政治(tyranny)或者專制主義(despotism)區別開。今集內容包括以下部分:極權主義新穎之處 極權主義:「一切都是可能的」 極權主義:消除反對者 極權主義結構性特徵1:種族主義,以反猶太主義為例 極權主義結構性特徵2:擴張主義 結語
- 鄂蘭,《極權主義的起源》導讀(1):「黑暗時代」——鄂蘭眼中嘅羅莎.盧森堡同卡爾・雅斯培丨西哲幼稚園EP27丨劉國英,《當代歐陸哲學家臉譜》鄂蘭喺1951年出版佢嘅早期作品——《極權主義的起源》。雖然話係佢思想嘅早期作品,但佢當時已經45歲,距離1929年喺雅斯培指導下所得到嘅博士學位,已經相距22年。呢二十幾年間,雖然佢不斷有寫作同出版,但「鄂蘭」呢個名喺學術界依然係寂寂無名。而《極權主義的起源》就係一個轉捩點——書中討論嘅係歐洲出現嘅兩種極權主義形式:納粹主義同布爾什維克主義,因而開始受到學術界關注。納粹主義嘅討論雖然係關注過去,但依然勾起人對德國軍事擴張所產生嘅家園破碎嘅傷感而蘇聯當時正向全球輸出蘇共政權,全球進入冷戰時期,所以布爾什維克主義係史太林所推動嘅現在進行式喺極權主義嘅影響下,人被逼思考兩條問題:現代文明下嘅人類,點解唔係沿住進步嘅軌跡前望?甚至幾乎毀滅自身呢?而呢兩條問題,正正係《極權主義的起源》呢本書嘅起點。分析完極權主義以後,關心人類命運嘅人必然會關注嘅共同問題係:人類會點樣行落去呢?人類可以點樣行落去?而呢個答案要到《人的條件》先充份回答到。一連兩集,我哋會跟隨劉國英喺《當代歐陸哲學家臉譜》思考鄂蘭嘅《極權主義的起源》嘅篇幅,扼要咁說明《極權主義的起源》嘅內容。今集睇下鄂蘭眼前嘅「黑暗時代」,下集講
- 【以色列=/=與神角力?】真一神論興起2.1:解析「以色列」之名——「迦南神學確實深切影響了《聖經》,而且紮根之深,深到難以從種族、文化甚至宗教上去明確區分迦南人和以色列人」丨生活雜談EP57丨《造神》第七章上集,我哋跟住Martin Buber以「ehyeh」解釋「耶和華」嘅意涵,相信你已經意識到,以現代西方思維嚟理解《希伯來聖經》,其實會有好多誤解。而「神的山」嘅部分,可以得知「耶和華」係一個喺當時好少人聽過嘅神嘅稱呼。今集,我哋會更深入睇下《希伯來聖經》當中更多神嘅稱呼——耶和華(YHWH,又譯雅巍)、伊利.沙代(El Shaddai)、伊羅興(Elohim)。當中,我哋會跟住聖經學者嘅研究,關注同亞伯拉罕簽定聖約嘅神——埃爾(El)。要知道,El(埃爾)係迦南文化嘅神,而迦南文化同以色列文化實在係密不可分。為咗明白埃爾同《希伯來聖經》嘅神嘅關係,我哋就要簡介一下《希伯來聖經》文本上嘅唔同來源,以及睇下神嘅不同名稱到底代表住點樣嘅文化,以及佢哋嘅結合。由於今集比較多資訊,所以將原稿切成兩集。今集內容包括以下部分:集結的《希伯來聖經》:四個來源 以色列之名:埃爾堅忍不拔 以色列與迦南:「迦南神學確實深切影響了《聖經》」--------- 亞伯拉罕:「不知道耶和華是誰。」 亞伯拉罕的聖約 依家,我哋睇睇《希伯來聖經》嘅四個來源先。正文內容集結的《希伯來聖經》:四個來源如果仔細觀察,我哋偶
- 【生命意志與大腦】叔本華哲學簡介-5.1:《作為意志和表象的世界》第二卷:叔本華的無我觀——意志具象化為世界、身體、「柔軟的髓狀物」,以三種原因驅動盲目嘅世界丨西哲幼稚園EP26丨《叔本華》人類都對自己嘅理性充滿自豪,深信軀殼內藏住一個高潔嘅靈魂。但叔本華提醒我哋,「這是古老而普遍的根本錯誤,亦即第一個漫天大謊(proton pseudos),……必須在一切開始之前先被棄置才行。」如果你翻開叔本華嘅《作為意志和表象的世界》,跟隨佢嘅步伐去審視意志,你會發現世界充滿住盲目鬥爭,而「我的身體和意志是一體的」,說明人類唔係咩神聖靈魂嘅殘缺居所,大腦只不過係一股盲目嘅「生存意志」為咗繁衍而生嘅求生工具。叔本華講到:「我們毫不畏懼地說,這個柔軟的髓狀物就像每一種植物或是動物的一部分一樣,也是一種有機結構,它和所有那些在我們非理性兄弟的次等頭顱中偏安一隅的較卑微的親戚一樣,甚至和那些毫無理解力的最卑微的生物也一樣。」上集,我哋提到世界,係意志嘅物化。今集,我哋將會講到我哋嘅身體,甚至係大腦,都係意志嘅物化。喺呢個世界圖像下,有種悲觀。但悲觀唔係終局,因為「柔軟的髓狀物」,有反抗意志嘅可能。一連兩集,我哋會睇下叔本華點樣描寫意志同「我」嘅關係。今集,我哋就要細思一下,理性、「柔軟的髓狀物」同意志嘅關係。你會見到,叔本華點樣表述「無我」。「我的身體和意志是一體的」:當我哋更詳細檢視〔身體
- 【祝賀五週年】宋明理學入門(1):分析哲學剖理學,理學理氣蘊何意?丨分析宋明理學丨線上讀書組(15)丨劉紀璐,《宋明理學:形而上學、心靈與道德》(1)近日講緊中國哲學背景,但上個星期因事skip咗一次,為作補償,順道作為五週年祝賀嘅前置,送劉紀璐,《宋明理學:形而上學、心靈與道德》嘅集數畀各位。呢一集可以當成係宋明理學嘅背景。本次難度:★☆☆☆☆相比之下,先秦哲學有相對多好嘅入門書,但係宋明理學要講得容易理解作為入門,實在唔容易,因為佢往往需要先秦哲學嘅基礎知識,加上對佛學嘅理解。如果我有時間,當然想一步步同大家跟住成個脈落行落去,我喺之前嘅podcast有分散咁講過下先秦,嚟緊嘅細讀心經會同大家了解下佛學精神,依家呢個宋明理學入門係我一直好想做嘅內容,依家逼自己慢慢開始做,因為宋明理學的確係一個好好嘅窗口幫助大家捕捉中國文化/儒學精神。之所以唔單話係儒學精神,係因為從宋明理學已經見到三教影子同互相影響今次我哋要講嘅《宋明理學:形而上學、心靈與道德》,係《中國哲學導論:從古代哲學至中國佛學》之續作。點解第一本揀呢本書?係因為呢本書係以分析哲學方法系統地整理中國哲學嘅計劃,佢唔係透過幫哲學家重構返個系統出嚟,而係分析哲學家系統嘅成分出嚟。所以佢喺展現中國文化嘅「美」方面,唔算特別出色,但係之於清晰展現嚟講,有其優勢。另外,佢引述咗好多
- 【摩西:首見耶和華】真一神論興起1:Martin Buber以「ehyeh」解釋「耶和華」嘅意涵;跟隨摩西到「神的山」,認識當地不明來歷嘅米甸神丨生活雜談EP56丨《造神》第七章試想像一下,當你見到宏偉嘅聖殿、強大嘅國家,有一位祭司行過嚟同你講,有一位神一直帶領、看守你嘅國家,你應該能夠理解。但係,當你面對一場輸得一敗塗地嘅殘酷戰爭、聖殿被燒毀、族人被屠殺、淪為階下囚。咁你會點樣看待呢位神明?喺古代人嘅觀念裏面,呢個結局只代表一件事:你嘅神太弱,你嘅神已經「死」咗。公元前586年,當巴比倫帝國嘅鐵蹄踏破耶路撒冷,以色列人正正就企喺呢個信仰崩潰嘅邊緣。但係,耶和華不但無隨著國家滅亡而灰飛煙滅,反而喺一片廢墟同流亡之中,迎嚟咗一場史上最大型嘅「神學大反轉」。我哋呢個《真一神論興起》系列,就係要嘗試用現代考古學、聖經學者嘅研究同歷史文獻,追尋以色列人嘅上帝嘅轉型。內容包括以下部分:古代視角:國神之戰:古代近東嘅人相信,戰爭並唔係單純敵我軍隊嘅互相廝殺,而係眾神之間嘅較量。我哋會以呢種觀點詳細少少理解巴比倫帝國戰勝以色列嘅歷史。兩個名稱:我哋會用Martin Buber嘅理論,理解摩西喺沙漠遇到嘅神——Martin Bub 認為將ehyeh asher ehyeh翻譯為「I am that I am」係帶有 錯誤,因為如果翻譯屬實,咁上帝只係畀咗一個「" statem
- 【反人性的單一主神教】單一主神教革命3.2:無形的神,注定的終點——埃及法老艾基納登同波斯先知查拉圖斯特點解會失敗?丨生活雜談EP55丨《造神》第六章如果你試過打電話去大公司嘅客戶服務熱線,照道理你會首先聽到錄音,然後叫你揀選你嘅問題,a問題,就按1字,b問題,就按2字……但如果你聽到個錄音係:「我哋依家無分部門㗎喇。無論你係報失信用卡、投訴上網慢、定係想借錢,全部都係由同一個阿姐負責晒,請你等等。」你第一反應會係咩?你一定會覺得:「吓?佢一個人識晒咁多嘢?搞唔搞得掂㗎?」然後就係諗:「咁要等幾耐先到我?」之前我哋講哈拉瑞本《連結》嗰陣,有提到官僚主義喺人類社會嘅角色係越嚟越重要,而官僚主義其中一個特色就係分類。細心諗一下,其實打仗要搵戰神、求愛就搵愛神,其實就係神話版嘅官僚主義,要求每位神明都有明確嘅職責描述,咁就正正貼合人類愛好分類嘅心理。偏偏,喺〈單一主神教革命〉嘅頭兩集,我哋見到古埃及法老同埋波斯先知發動單一主神教革命,將多神教嘅分類,統一為一個主神,最終失敗收場。而上集所定義出嚟嘅單一主神教同真一神教,係邀請你思考:點解單一主神教最終失敗,而真一神教一直發揚光大,甚至成為今日嘅主流宗教?今集,我哋要完結〈原始多神教〉同〈單一主神教革命〉系列,迎接真一神教嘅發展。內容包括以下部分:人性化傳統:我哋會以濕婆作為例子,顯示人性化
- 【政治映型論】單一主神教革命3.1:宗教改變政治,定政治改變宗教?——由民主走向獨裁嘅天國,係塵世嘅一面鏡子。以政治現實轉變,解構美索不達米亞神話演變丨生活雜談EP54丨《造神》第六章大家有無諗過一個問題:到底係「神」嘅旨意決定咗我哋嘅政治體制,定係現實嘅「政治體制」決定咗我哋信咩神?原始多神教2.1當中,我哋講蘇美大洪神神話嘅時候,會發現天上嘅神原來係要開會、投票、相對民主,但你有無留意到,越後期嘅神話,就越無開會呢支歌仔唱?《造神》嘅作者對此有一個相當震撼嘅論斷:「一旦我們的塵世制度改變,天國也會隨之變動。」喺頭兩集嘅「單一主神教革命」,我哋可以見到一神論喺歷史上往往會受到壓制,部分原因係因為一神信仰本身帶有強烈嘅排他傾向——只有一種真理係正確。而「只有一位神」呢個冷冰冰嘅概念,同人類天生鍾意將神明人性化嘅普世衝動,出現強烈嘅牴觸。問題係,呢種排他性係點嚟?作者認為,排他性係源自歷史變化,當我哋陳列一個地方嘅政治環境改變,就會發現神嘅人性化嘅歷程,會導向單一主神論,呢種理論,叫做「政治映型」論。作者表示:「單一主神論廣為流傳的原因,可以追溯到人類將神人性化的下意識衝動:用人類的情況去想像神靈,就會使我們將神域想像成塵世的昇華版。天國成為塵世社會政治制度的一面鏡子。一旦我們的塵世制度改變,天國也會隨之變動。」「政治映型」表示,當地上嘅塵世制度變化,天上嘅神話體系亦
- 西哲幼稚園EP25丨【費希特生平-1下】〈一個貧窮又傲慢的哲學家在充滿敵意的世界走自己的路〉——天才橫溢,匿名出版,被學者誤以為係康德!?丨《費希特的倫理思想》上一個部分,我哋講到,費希特本身係底層出身,細個係做牧鵝童,但係憑住天賦同貴族嘅資助改變命運。不過,由於佢性格高傲、唔肯向權貴低頭,以致到佢喺社會上處處碰壁,即使窮到燶都連番「劈炮唔撈」。更慘嘅係,佢喺思想上仲陷入咗斯賓諾莎嗰種令人窒息嘅「決定論」深淵。好彩嘅係,命運嘅齒輪並無停息,因為費希特遇到咗佢嘅人生偶像——康德。今集,我哋將要睇下費希特搵完偶像,成為名震天下嘅哲學巨星嘅經歷。內容包括以下部分:返回萊比錫:首讀康德:費希特原本係唔識康德哲學,但係因為一個機會,逼使佢閱讀康德,結果當咗康德係偶像。 哥尼斯堡:首會康德,窮到借錢:費希特終於去見自己嘅偶像(康德),當佢窮到褲穿窿嘅時候,問康德借錢,康德選擇…… 《試評一切天啟》簡述:集體炒車:幾經辛苦,費希特嘅《試評一切天啟》終於出版,出版之後,點解會引嚟學術界大炒車? 返回蘇黎世:康德哲學的敵人:舒爾策嘅哲學系統,成為康德哲學嘅大敵,面對敵人,費希特得到一個覺悟…… 依家,我哋繼續睇下費希特發跡前嘅人生先。
- 《人類大歷史》作者哈拉瑞最新作,《連結》(7)丨【《聖經》區塊鏈1:猶太教】——以死海古卷思考《希伯來聖經》正典化過程;《米示拿》、《塔木德》點解會出現?丨得閒讀書會(30)丨〈錯誤……〉「人都會犯錯;但死不改錯則是惡魔。」——神學家,聖・奧古斯丁我哋之前用過《千面英雄》嚟講神話主題,哈拉瑞就引用聖・奧古斯丁嘅講法,顯出另一個神話主題:人類天生就係會犯錯,而呢啲錯誤必須要尋求某種機制作糾正同救贖。哈拉瑞作為歷史學家嘅補充係:從基督宗教嘅視角睇:人類需要糾正亞當同夏娃當初犯下嘅「原罪」。從馬克思主義嘅視角睇: 工人階級因為受到壓迫者嘅蒙蔽,產生咗虛假意識,誤解咗自身嘅真正利益;所以,佢哋需要馬克思主義嚟帶領同糾正。從現代官僚主義嘅視角睇:官僚系統嘅日常運作,就係不斷去捉錯處——搵出文件放錯喺邊、程序點解會塞車。當遇上重大危機,龐大嘅官僚制度仲會啟動內部監管,成立調查委員會嚟搵出問題,確保未來唔會重蹈覆轍。由此可見,人類歷史上幾種最龐大嘅思想體系同制度,其實都係建基於呢種「糾正錯誤」嘅機制之上。當然,任何一項「自我修正機制」想發揮作用,佢首先必須要獲得社會嘅合法性。但係,所謂嘅自我修正機制,歸根究底都係由「會犯錯嘅人類」去建立同執行——既然人會犯錯,咁呢套機制咪一樣會出錯?於是,人類自古以嚟就極度渴望:我哋急切需要一個超越人類局限、絕對唔會犯錯嘅終極機制,用嚟糾正世俗嘅一切
- 【史上第二次一神教運動】單一主神教革命2:查拉圖斯特拉略傳:拜火教的一神觀丨生活雜談EP53丨《造神》第六章喺古埃及「異端法老」艾基納登嘅一神教實驗失敗兩百幾年之後,即係公元前1100年左右,宗教改革嘅舞台轉移到東方嘅伊朗高原。喺嗰度,另一位先知再次挑戰多神信仰嘅傳統,點燃咗一神論嘅火種。佢就係查拉圖斯特拉,推動咗史上第二次一神教運動,後來成為傳奇嘅瑣羅亞斯德教創始人。雖然同樣係一神論者,但查拉圖斯特拉所相信嘅神同艾基納登崇拜有形嘅「太陽神」唔同,佢相信嘅神係無形無相、純粹由智慧同真理構成嘅「阿胡拉.馬茲達」。今集內容包括:伊朗眾神:查拉圖斯特拉並唔係一介平民,好可能係一位唔憂柴唔憂米嘅專業祭司,因而,佢了解伊朗地區有住深遠傳統嘅多神教。查拉圖斯特拉的啟示:呢位祭司捨棄金飯碗,喺一次取水儀式中得到神嘅啟示,成為歷史上第一位……瑣羅亞斯德教復興:善惡本源嘅神學,點樣喺後世被徹底改造,變成我哋熟悉嘅光明與黑暗之戰?依家,我哋先睇睇伊朗地區嘅多神教傳統先,以此對照瑣羅亞斯德教嘅一神觀。
- 【史上第一次一神教運動】單一主神教革命1:異端法老與圖坦卡門,黃金面具下嘅宗教革命——「歷史上記載的首位一神論者。」丨生活雜談EP52丨《造神》第六章依家,一神論係世界主流信仰嘅基石,但我哋好少去諗:歷史上第一次「一神教」運動係幾時發生。答案可能比你想像中更早(而且更血腥),早喺猶太教興起之前,多神教嘅埃及已經出現過一神教運動——喺古埃及三千幾年嘅歷史長河入面,大部分法老都係多神教嘅守護者,虔誠咁供奉住無數嘅神明。但係,當中有一位激進嘅法老——艾基納登,佢發動咗一場史無前例嘅「眾神大屠殺」,試圖消滅所有其他神祇嘅存在。佢被後世視為「異端」、「瘋子」,死後遭受徹底嘅報復,連木乃伊石棺都被劈碎,甚至連個名都被刻意從歷史紀錄中抹去。藉由考古學家嘅研究,我哋終於得知呢位「異端法老」大起大落嘅傳奇一生——呢個故事,同圖坦卡門有莫大關係。今集內容包括:奇怪形象:艾基納登可以話係形象最怪異嘅法老,甚至被描繪成雌雄同體;呢個奇怪人士,佢嘅妻子,係傳說中最美嘅皇后娜芙蒂蒂。(Akhenaten,又譯阿肯那頓,但我選擇跟隨艾基納登)埃及太陽神信仰:簡介埃及人嘅太陽信仰嘅流變,睇下太陽神形象點樣結合。第十八王朝之歷史背景:第十八王朝係埃及輝煌嘅時期,正因為輝煌,法老對宗教嘅態度亦有所變化……舊神再現:阿頓掘起:艾基納登相信一位舊神,阿頓。因為特殊體驗,以
- 西哲幼稚園EP23丨【叔本華哲學簡介-4】《作為意志和表象的世界》簡介:第二卷,汝為意志,世界皆為意志——擊中牛頓個頭嘅蘋果,亦係意志嘅展現?丨《叔本華》喺上一部分,我哋講到叔本華提出咗一個難題——佢將人形容為「有翼無身的天使」,被困喺一個如夢似幻嘅「表象世界」入面,只能夠冷眼旁觀,卻無法觸及真實。但係,世界之謎並唔係不可解,叔本華喺《作為意志和表象的世界》第二卷入面,幫我哋搵到了一條通往真相嘅秘密通道,亦即係我哋嘅「身體」——正正係因為意志同身體嘅關係,使得我哋可以從「有翼無身的天使」嘅困局中逃出。今集,我哋會探討一下叔本華點樣透過「身體」呢個獨特嘅存在,挑戰傳統西方哲學,例如笛卡兒嘅「身心二元論」。內容包括以下部分:第二卷:意志意志與行動:反二元論:叔本華指出,身體唔係靈魂嘅皮囊或者工具,身體嘅動作本身就係意志嘅客觀化——當我想伸手拎杯水,呢個並唔係精神下令、肉體執行嘅因果過程,而係一個「一體兩面」嘅單一事件。意志的擴大:叔本華點樣由人嘅意志,講到世界嘅意志?兩者之間又有無分別?「只有意志是物自體」:當叔本華作出「只有意志是物自體」嘅宣言,就正正顯示住佢對康德哲學嘅修正/解答。總結:叔本華的影響:作者唔係簡單嘅叔本華打手,佢認為叔本華形上學有住一個深刻嘅漏洞,但瑕不掩瑜嘅地方,係……。依家,我哋一齊再次審視「有翼無身的天使」,睇下叔
- 【希臘諸神註定走向一神?】原始多神教4:人性的,太人性的神——奧林帕斯諸神發展簡史,波塞冬先係大佬,雅典娜可能只係一塊木頭?丨生活雜談EP51丨《造神》第五章點解希臘明明有成個奧林帕斯山都住唔晒嘅神,神嘅數量咁多,最終能夠同一神嘅基督教結合?我哋對希臘神話嘅印象,往往嚟自荷馬史詩入面嗰班愛恨分明嘅奧林帕斯諸神。但歷史話畀我哋知,喺宙斯成為眾神之王之前,希臘嘅信仰曾經係另一番景象。早喺荷馬之前,神秘嘅邁錫尼航海文明就已經將佢哋嘅神帶到愛琴海——嗰陣時,波塞冬先係大佬,雅典娜可能只係一塊木頭。隨著時間推移,希臘人將自然力量變成咗有血有肉嘅家族故事——呢個有血有肉嘅家族,出現咗一班「問題家庭」成員,由宙斯統領。宙斯係一個風流老豆,而赫拉就係個善妒老婆,而成個奧林帕斯山就好似一齣宇宙級別嘅《溏心風暴》。希臘人將神塑造得越嚟越似人,甚至連雕塑都似足喺希臘城邦行過嘅路人(當然強壯好多)。但係,當神話變得太過精彩,希臘人反而開始焦慮……今集內容包括:邁錫尼人的航海文明:喺航海文明下,神明同自然力量有好大關係,我哋會睇睇諸神未登上奧林帕斯山之前嘅形象。奧林帕斯諸神人物關係表:登上奧林帕斯山之後,諸神構成一個big family,我哋會快速掌握佢哋嘅關係。奧林帕斯山的崩塌:太過人性:有人鍾意睇宇宙級別嘅《溏心風暴》,有人覺得神明因而變得太過lame,於是重新
- 西哲幼稚園EP22【叔本華哲學簡介-3】《作為意志和表象的世界》簡介:第一卷,有翼無身的天使與「世界是我的表象」丨《叔本華》你有冇試過有啲時候,覺得自己同呢個世界好似格格不入咁?就好似坐喺黑鼆鼆嘅戲院入面,睇住銀幕上面上演緊人生嘅悲歡離合。雖然畫面極度真實,但你卻心知肚明,知道自己只不過係一個「觀眾」,根本插唔到手去改變劇情,甚至連自己嘅重量都感受唔到?叔本華認為,呢種極致嘅疏離感係認真理解表象世界嘅意味以後,會得出嘅「異己」感——我哋漸漸發覺自己同自己嘅身體之間出現咗一種奇妙嘅感覺。叔本華用咗一個好有詩意、但又好恐怖嘅比喻嚟形容:「有翼無身的天使」。若然我哋想理解呢種「有翼無身的天使」嘅感覺係從何而來,以及意涵何在,咁我哋就要翻開叔本華最偉大嘅著作《作為意志和表象的世界》。然後你會發現,箇中結構嚴密,四卷內容,每一卷都有清晰思路。因而,《哲學的故事》嘅作者,威爾・杜蘭評論到:「翻開《作為意志和表象的世界》這本書,首先會讓讀者感到驚訝的是它的風格。沒有宛如中國謎語般的康德術語,沒有黑格爾的模糊困惑,沒有斯賓諾沙的幾何學;一切都極為清晰有序,並且令人讚賞地完全聚焦於表象世界的主要概念上,然後論述正因如此,才有爭鬥、才有苦難的產生。多麼直言不諱的誠實、令人耳目一新的活力、毫不妥協的坦率!」《哲學的故事》今次,我
- 牛哥解經(32):細讀心經(4.1)——心經之三層空觀,第一層:破五蘊、十二處、十八界,解「無眼耳鼻舌身意。無色聲香味觸法。無眼界。乃至無意識界」句丨印順法師,《般若波羅蜜多心經講記》上次,我哋講完「不生不滅,不垢不淨,不增不減」之後,就好快以「是故空中無色,無受想行識」作結。你可能會覺得:「咦?咁快講完?」咁樣並唔係偷懶,而係「是故空中無色,無受想行識」呢一句既似總結,又似開啟後段嘅引子——承接住《心經》當中最密集、最徹底嘅「否定」,亦即係《心經》後續嘅十一句,都係闡述緊「是故空中無色,無受想行識」:「無眼耳鼻舌身意。無色聲香味觸法。無眼界。乃至無意識界。無無明。亦無無明盡。乃至無老死。亦無老死盡。無苦集滅道。無智亦無得。以無所得故。」印順將以上一大段經文,稱之為「略觀處界等空」。我從印順嘅論述當中,再作整理,分成咗三個部分,表示《心經》係從三個層次嚟破執,即係破事、破理、破果。破事,係破現象層,即係否定人嘅能同所,亦即係能感知嘅感官同所認知到嘅事物破理,係破法則層,即係否定命運同真理,真理,亦即係四諦破果,係破境界層,即係否定修行嘅終點或成果文稿唔長,但內容有啲難度,所以我將文稿切成兩集,今集就講第一層,破事——處、界、緣起嘅空。睇下六根、十二處、十八界到底係咩意思。 今集內容分成以下部分:「照見五蘊皆空……無受、想、行、識」的總結 略觀處界等空無眼耳鼻舌身意,
- 【自然力量到多神傳統】原始多神教3:耶利哥城的遺產——蘇美、埃及、印歐人多神觀之比較丨生活雜談EP50丨《造神》第五章美索不達米亞人信奉多神,多神成點呢?美索不達米亞嘅神話系統其實有三千幾位神祇。舉例嚟講:阿亞(Aya)係光明女神,亦係太陽神沙瑪什(Shamash)嘅妻子;達姆(Damu)係醫治之神;吉拉(Girra)就係火神,會提煉金屬;欣(Sin)係強大嘅月神;智慧之神恩基同命運裁定者恩利爾以及天空之神安(An)/ 安努(Anu)同為美索不達米亞早期神系中最重要嘅三位神靈。既然美索不達米亞有咁多神,古代抄寫員就必須編纂複雜嘅封神榜(god lists)嚟確保人能夠了解佢哋。否則,你信嘅小明神係日神,我信嘅小明神係月神,咁就會亂晒大籠。你可能會問,美索不達米亞人點解會有咁多神?呢個問題好難回答。人類從最初哥貝克力石陣入面似人類、但係冇臉嘅石柱,到美索不達米亞充滿活力、個性十足嘅眾神,中間經歷咗九千幾年嘅精神之旅,但係我哋對呢九千年中嘅演變過程因為缺乏實證,所知極為模糊。但係考古學家喺耶利哥(Jericho)有一系列非凡嘅發現,為我哋理解人類精神發展嘅中間階段揭露一絲曙光——耶利哥係地球上最古老嘅城市之一,亦係美索不達米亞各大城邦嘅先驅。今集,我哋就由呢道曙光開始,睇下三個古文明點樣步步建構多神系統。
- 西哲幼稚園EP21丨【叔本華哲學簡介-2】解構《充足理由律的四重根》,以及人類思維嘅四個牢籠——唔睇《四重根》,無可能睇得明《作為意志與表象的世界》!丨《叔本華》我哋每日都問無數個「點解」:點解蘋果會跌落嚟?點解 1+1=2?點解我要返工? 但好少人要認真去分清,以上嘅「點解」所代表嘅意思有咩唔同。叔本華發現,人係好鍾意為事件給予原因,但係好多時個原因都對應唔到件事——如果你曾經試過用解釋「物理」嘅方法去解釋「上帝」,或者用「數學」嘅邏輯去解釋「愛情」,搞到亂晒大龍,咁你就好需要睇下叔本華嘅博士論文《充足理由律的四重根》(下稱《四重根》論文)。喺論文入面,叔本華好似一個思維潔癖嘅外科醫生,將人類所有嘅「理由」精準地切分成四類。叔本華對呢篇論文自豪到不得了,甚至喺《作為意志和表象的世界》嘅序言表示,如果唔讀《四重根》論文,基本上無可能讀得明《作為意志和表象的世界》。所以,對佢嚟講,《四重根》論文就係打開佢整個哲學迷宮嘅鑰匙——喺呢篇論文當中,並無即刻提到悲觀主義思想,反而係冷靜咁分析人類大腦嘅運作模式,得出四種形態、四種必然性,建構一個嚴密嘅決定論世界。今集內容包括以下部分:《四重根》論文總覽第一重根:生成第二重根:認知第三重根:存在第四重根:行動充足理由律的局限性:四重根嘅哲學意義依家,我哋就一齊總覽一下《四重根》,理解叔本華所提出嘅四種必然性
- 【牛哥解經(31)——莊子哲學入門(4)】〈逍遙遊〉總綱:北冥有魚,其名為你。鯤潛鵬飛係一場「生命變形記」!——孟莊「二者之生命精神亦極為相近」!蜩與學鳩係唔係人生理想?回應郭象「小大如一」、王船山「大患困小」之詮釋丨《中國哲學論集》你有無諗過,《逍遙遊》開篇嗰條幾千里長嘅大魚「鯤」,同遮天蔽日嘅巨鳥「鵬」,其實講緊嘅唔係神話怪獸,而係講緊你嘅精神?喺故事當中,當大鵬鳥「水擊三千里,摶扶搖而上者九萬里」嘅時候,地面嘅蜩與學鳩正在譏笑牠:「飛咁高做乜啫?我哋喺樹上面跳嚟跳去咪仲開心!」莊子到底係想人做大鵬,定係笑人做大鵬呢?歷代學者對此爭論不休:郭象話大鵬同小鳥一樣逍遙,因為大家都要「知足」;王夫之甚至話大鵬不如小鳥靈活。王邦雄會話你知:大錯特錯! ——如果大家都一樣,莊子何必寫大鵬?莊子嘅哲學唔係叫你安於卑微,而係一場「生命變形記」。我哋會跟隨王邦雄的視角,推翻歷代「誤讀」,重拾莊子生命哲學嘅真諦:莊子嘅逍遙,絕非阿Q精神式嘅自我安慰,而係一場對精神生命極致擴充嘅追求,完成生命由小而大,由大而化嘅終極飛越。今集,一齊睇睇〈逍遙遊〉總綱。內容分成以下部分:綱領:王邦雄認為〈逍遙遊〉係內七篇嘅綱領,鯤潛鵬飛代表住一個變化圖像。北冥、海運、南冥各自對應唔同嘅情境。至人無己,神人無功,聖人無名:我哋會用兩種詮譯嚟理解呢句——工夫以及境界〈逍遙遊〉篇名:〈逍遙遊〉篇名,透露住孟莊「二者之生命精神亦極為相近」大鵬怒飛的三個問題
- 【蘇美史詩:四千年前大洪水神話】原始多神教2.1:人類本來係創造嚟幫神明打工?蘇美楔形文字影響住希伯來《聖經》對神嘅稱呼——El Shaddai 的秘密丨生活雜談EP49丨《造神》第五章如果天上面嘅強大神明要朝九晚五,做到隻積咁,咁佢會點做?呢條問題唔係由現代打工仔加班加到傻嘅時候幻想出嚟,而係人類歷史上最古老嘅神話——蘇美爾史詩嘅開端。喺四千年前嘅泥板上,記載住一個關於勞碌、罷工,以及滅世大洪水嘅故事。但係,呢啲神話唔單止係古人嘅奇幻創作,佢背後更隱藏住蘇美人嘅最大成就——楔形文字對思想嘅影響。今集,我哋會藉由宗教研究者、加州大學聖塔芭芭拉分校宗教社會學博士雷薩・阿斯蘭嘅《造神》,帶大家返到地中海文明嘅搖籃,美索不達米亞。雖然神話係文明嘅基石,但文字嘅發明,原來唔係為宗教服務。農業發展同宗教發展又有咩關係?今集內容包括:最古老嘅大洪水神話:大洪水故事完整版係點?我哋會睇下四千年前寫成嘅蘇美史詩,入面記載阿特拉哈西斯遭遇大洪水嘅故事 蘇美人簡史:由公元前一萬年嘅農業開始講起,論述農業發展點樣影響美索不達米亞地區嘅文明發展 阿卡德語之發展:阿卡德語同蘇美語之間嘅關係係點?紐約大學古代近東考古學教授丹尼爾.T.波特斯發現楔形文字嘅最初作用,並唔係用嚟書寫神話或日常溝通 第一套楔形文字:楔形文字點樣影響宗教發展?
- 西哲幼稚園EP20丨【叔本華哲學簡介-1】柏拉圖同康德思想竟然暗渡陳倉?解構叔本華三大思想支柱之關聯:康德現象與物自體、柏拉圖理型、印度梵我合一丨《叔本華》你眼前見到嘅世界,到底係真實嘅,定係虛假嘅表象呢?喺康德出現之前,有啲哲學家以為我哋可以憑理性認識世界嘅本質,又有啲哲學家非常相信感官經驗;但康德一巴打醒咗大家——我哋見到嘅,只不過係戴住「時空眼鏡」過濾後嘅「現象」,而唔係事物本身。叔本華全盤接受咗呢個設定,但佢無停喺度。佢進一步追問:現象係乜嘢?另外,康德所提出咗物自體又應該點樣理解?呢個時候,佢發現到一個「聞所未聞,卻肯定無疑」嘅結論:柏拉圖哲學同康德哲學係暗渡陳倉嘅夥伴。另外,佢仲喺西方理性嘅盡頭,搵到東方智慧嘅出口——古印度嘅《奧義書》,為佢嘅直覺尋獲咗最古老嘅印證,以致叔本華不停詢問讀者一條最經典嘅問題:如果現實世界只係一場夢、係印度哲學所講嘅「摩耶」(Maya),咁我哋呢啲夢中人,有無可能醒返?呢位哲學巨人嘅思想大廈,正正係建立喺三種跨越時空嘅智慧之上。所以佢講到:「若不是《奧義書》、柏拉圖和康德同時把光芒照進一個人的頭腦,我想我的學說就不可能產生了。」今集內容因而包括以下部分:康德:現象與物自體:我哋要首先講下康德所區別嘅現象與物自體,以及康德哲學嘅兩個建設性成就——現象世界之必然性以及倫理學嘅保證。柏拉圖:更好的意識:
- 【人類史上最大騙局】原始多神教1:農業革命竟然係一種退步?以現實中嘅伊甸園,解釋農業革命出現嘅根本原因丨生活雜談EP48丨《造神》第四章教科書一直話畀我哋知:人類學識耕種,解決咗食飯問題,然後先安定落嚟建立文明同宗教。但如果我話你知,呢個次序完全錯晒呢?現代考古學發現,原來喺農業出現之前,人類早就起咗宏偉嘅神廟。驅使祖先放棄自由自在嘅狩獵生活,甘願受到耕種嘅勞役同疾病折磨嘅,並唔係「肚餓」,而係一種對「神」嘅全新想像。因而,《造神》嘅作者表示:「狩獵可能讓我們成為人類,但耕種卻永遠改變了人類的定義。」到底係乜嘢令獵人放低長矛,拿起鋤頭?呢場被哈拉瑞稱為「史上最大騙局」嘅農業革命,背後原來隱藏住一場更深層次嘅「符號革命」——農業出現之前,人類與萬物共享地球;但當第一粒種子被刻意播種,我哋同世界嘅關係就徹底改變咗。今集,我哋要問嘅問題係,農業到底點解會出現呢?今集內容包括:狩獵生活及其神明:我哋會好快睇下狩獵生活本身,同埋狩獵生活所相信嘅神明特徵農業神話:被肢解的神:被肢解嘅神係好多農業文明會有嘅神話。由呢度開始,我哋會睇睇傳統對農業以及神話關係嘅理解——先有農業,再有定居。農業退步?:相較起我哋嘅常識,初期農業實際上係一場退步,我哋會睇下唔同地區嘅考古發現。現實伊甸園:一座最古老嘅神廟,可以幫我哋窺探農業嘅真正起源。符號
- 《人類大歷史》作者哈拉瑞最新作,《連結》(5)丨【官僚主義,深層政府】——現代社會=靠深層政府維持秩序;藉covid、供水系統拆解官僚制度嘅迷霧丨得閒讀書會(23)丨〈文件 紙老虎也會咬人〉上集我哋提到文件對國家建設嘅重要作用。而官僚主義就係為咗解決文件所遺留落嚟嘅問題。 從字源嚟講,官僚制度嘅英文 bureaucracy,意思就係「從書桌來統治」。呢個詞語最早出現喺十八世紀嘅法國,當時嘅官員通常都係坐喺一張有櫃桶嘅書檯旁邊,呢種書檯就叫做 bureau ——「所以官僚制度這套秩序,正是以抽屜做為核心。而這套秩序解決檢索問題的辦法,也正是把整個世界分成許多抽屜,再判斷該把哪些文件放進哪個抽屜。」無論係將文件放進櫃桶、書架、籃、藍罐,定係電腦嘅file,原則都係一樣:分而治之。將世界分成唔同嘅格仔,每個格仔有自己嘅位置,文件就不會亂晒籠。但呢個方法有代價:「官僚制度的重點並不是去瞭解世界真實的樣貌,而是忙著給世界強加一套全新的、人為的秩序。」今集,我哋就要了解一下官僚制度,以及哈拉瑞口中嘅深層政府。內容包括以下部分:05:23 官僚制度——書檯統治:我哋會一齊睇下官僚制度嘅特色同限制。作者會以學術界作為例子。15:46 生物學:櫃桶食得㗎?:生物學分類可以點樣揭示官僚制度嘅限制?23:49 深層政府:雖然官僚制度似乎有唔少問題,但無咗官僚制度,一個國家就基本上運作唔到。作者
- 【牛哥解經(30)——莊子哲學入門(3)】莊子係用儒家回應老子?王邦雄:「莊子綜攝儒學的精義……比諸孟荀,反而更顯得樸質深切。」丨《中國哲學論集》喺臺灣,近年似乎多咗有關莊子嘅研究,亦有講法表示莊子同儒家之間有住深切關係。呢點,我哋喺線上讀書組用過徐聖心、楊儒賓嘅文章講過。今次,我都係要同你分享講述莊子同儒家關係嘅文章——王邦雄喺《中國哲學論集》當中所寫嘅〈莊子其人其書及其思想〉。當中,佢有意識咁將老子同莊子哲學分開,更講到:「莊子綜攝儒學的精義……比諸孟荀,反而更顯得樸質深切。」我哋就用少少時間,睇下佢點解咁講——到底有無誇張呢?第一部分,「莊子其人其書」,我哋會睇睇太史公點樣記述莊子,而呢種記述似乎有相當嘅疑點。第二部分,「研讀莊子嘅三個提醒」,顧名思義。第三部分,結語:莊老提綱。王邦雄認為:「依個人之見,莊子思想乃綜合儒家思想的精神,以扭轉老子哲學的流弊」,而〈莊子其人其書及其思想〉就係要說明呢點。我哋會跟隨佢嘅論述,提綱式咁睇莊子、老子、儒家精神嘅關係。
- 睡眠的秘密合集——神經科學權威介紹睡眠理論、實驗丨生活雜談EP47丨《為什麼要睡覺》你以為瞓覺只係簡單嘅熄機休息?咁就誤會大了,睡眠其實係你大腦最繁忙嘅系統更新時間!曾經,人類對呢段繁忙、神秘領域竟然所知甚少,只係如實咁花費人生三分之一時間喺床上度過。為咗打破迷霧,神經科學權威 Matthew Walker 寫嘅呢本《為什麼要睡覺》,就係要為大眾呈現最前沿嘅睡眠理論同實驗。呢本書榮登Amazon網站、《紐約時報》、《星期日泰晤士報》暢銷書榜,亦得到比爾・蓋茲、Faker等名人推薦。我會同你用九集時間理解呢本書嘅內容,你會明白睡眠同演化嘅關係、睡眠過程有咩階段、睡眠階段嘅作用、以科學解讀夢境意涵、種種靠住反人性方法先得出結果嘅睡眠實驗結果……本集內容包括以下集數:S2EP35 睡眠的秘密1:點解會瞓著?原來鍾意夜瞓係遺傳使然|人嘅生物時鐘唔係二十四小時|褪黑激素唔會導致入睡?丨《為什麼要睡覺》【faker書單】睡眠的秘密2:跟住科學家一步步搵出「或許稱得上是所有睡眠研究中最重要的發現。」簡介睡眠週期——快速動眼睡眠(REM睡眠)同非快速動眼睡眠(NREM睡眠)點樣構成睡眠結構圖?丨生活雜談EP19丨《為什麼要睡覺》【faker書單】睡眠的秘密3:兩個比喻,破解頭腦中嘅三
- 西哲幼稚園EP19丨【叔本華生平・下】用才華對抗全世界嘅富二代——單挑黑格爾;引領學界重新審視康德學術成就!三十歲寫出傳世經典,代價卻係被世界遺忘整整三十年。如果話叔本華嘅前半生係一場家庭悲劇,咁佢嘅後半生就係一場對抗時代嘅孤獨戰爭。喺1818年出版嘅《作為意志和表象的世界》入面,佢大膽挑戰當時嘅主流——黑格爾嘅理性主義。佢為人揭示咗一個由盲目「意志」驅動嘅殘酷世界。喺佢眼中,世界唔係黑格爾口中嗰種理性嘅進步,而係充滿住漫無目的嘅痛苦同掙扎。呢種超前嘅思想,註定令佢喺當時崇尚理性嘅德國學術界顯得格格不入。今集我哋將會睇到佢點樣喺學術界碰壁,以及最終名揚天下嘅過程。今集內容包括:樂章起點:《作為意志和表象的世界》,之後我哋先會講《作為意志和表象的世界》嘅內容,今次睇睇個大綱先。一生論敵:黑格爾,叔本華試過同黑格爾同一間大學,正面挑戰黑格爾,結果慘敗收場。另外,佢試過翻譯康德,結果被出版社拒絕,但呢份努力被後人記住。 平靜人生:多產時刻,喺霍亂肆虐、戰火紛飛嘅年代,叔本華選擇隱居法蘭克福,過住一種看似休閒實則多產嘅生活。 最後出版:名揚天下嘅「人生智慧格言」家,令叔本華名揚天下嘅作品,並唔係《作為意志和表象的世界》……我哋會見證一位思想早熟、大器晚成嘅哲學家,喺孤獨中堅守自我,最終撼動後世無數心
- 西哲幼稚園EP18丨【叔本華生平・上】破碎家庭,煉成史上最孤傲嘅天才?被逐出家門、得到歌德淡漠嘅回應……好多人對叔本華嘅印象,都係一個髮型蓬亂、憤世嫉俗嘅阿伯,擁有住狂人一般嘅凝視。但其實,佢曾經係一個目光炯炯、才華橫溢嘅富家公子。如果有得揀,你會唔會想做佢呢?含住金鎖匙出世,環遊歐洲,精通幾國語言,二十幾歲就寫出震撼世界嘅哲學鉅著。但係,命運為佢標註嘅價格係昂貴嘅:佢要面對阿爸嘅自殺、被阿媽趕出家門並永遠斷絕關係;甚至當佢滿懷熱誠向當時嘅文壇領袖歌德請教時,得到嘅只係客氣而淡漠嘅回應。一連兩集,我哋會總覽一下叔本華嘅人生。我會同你藉由南安普頓大學(University of Southampton)專門研究歐陸哲學嘅哲學教授克裡斯托弗・賈納韋(Christopher Janawa),喺牛津通識系列所寫嘅《叔本華》,探討叔本華嘅生平、性格與哲學思想嘅形成。如果你有留意,我係有講過尼采生平,仲想介紹一下佢嘅哲學,但係寫尼采哲學簡介嘅途中,始終覺得要補充一下叔本華先。所以,我哋由叔本華嘅生平講起。今集內容包括:家族背景:孤獨人生。我哋會睇下呢個擁有「脫俗不羈」嘅外表、「炯炯有神」嘅目光嘅富家子弟,點樣面臨家庭嘅完全破裂。學術發展:東西結合。叔本華嘅哲學體系,將三套哲學思考結合。但呢種做法,對
- 【原始富裕,定原始殘忍?】採集時代係「伊甸園」定係「修羅場」?人類社會係進步定退步緊?丨生活雜談EP46丨《人類大歷史》(6)丨哈拉瑞史觀5.2歷史書通常由農業革命講起,好似喺起金字塔之前,人類就只係渾渾噩噩咁過日子。我哋對嗰六萬年嘅採集時代,除咗「石器」同「骨頭」之外,幾乎一無所知。但如果話,其實呢班農業革命前嘅祖先生活得比你好,你又會唔會相信?哈拉瑞認為狩獵採集嘅生活方式會因應地區同季節有所不同,但整體嚟講,比起後來嘅農夫、牧羊人、工人或者上班族,佢哋嘅生活好似更加舒適,仲更有意義。因為喺現代嘅富裕社會,平均每週工時係40到45小時,發展中國家就60個鐘以上,甚至去到80個鐘;但如果係狩獵採集者,就算住喺最貧瘠嘅地區(例如喀拉哈里沙漠),平均每星期都只係需要工作35到45小時。佢哋大概每三日打一次獵、每日採集3到6小時。一般時期,咁就足以養活整個部落。而好可能大多數遠古採集者住嘅地方,比起喀拉哈里沙漠更加肥沃,所以搵食物同原材料所需嘅時間會仲少。呢種採集經濟,可以令大多數人擁有比農業社會或者工業社會更加有趣嘅生活。佢哋每日只需要做幾個鐘頭嘢,食嘅嘢比你有營養,無車貸樓貸,無老闆捽數,甚至被人類學家稱為「最初的富裕社會」。聽落好似天堂咁?但係咪真係咁完美?另外,咁代唔代表古人有住一個更加「善良」嘅生活樣態呢?我哋就要從考古證
- 【石屎森林嘅裸猿】演化心理學家:人類天生貪食、多夫多妻?遠古人類活得比現代勞工仲舒適?丨生活雜談EP45丨《人類大歷史》(5)丨哈拉瑞史觀5.1雖然我哋已經好習慣坐喺個辦公室、生活喺城市,但係呢一種現代嘅謀生方式喺演化視角睇嚟,只不過係一瞬間嘅事。如果我哋想了解人類嘅天性、歷史同心理,咁就唔能夠留喺城市當中,而係要諗辦法返到去嗰一個狩獵採集嘅祖先嘅頭腦入面,嘗試窺探佢哋嘅諗法。演化心理學就係做緊呢一個工作,演化心理學家認為依家人類嘅各種社會同心理特徵,早喺農業時代之前就已經開始型塑。就算去到依家,我哋嘅大腦同心靈都仲係以狩獵同採集嘅生活方式作思維嘅根底。亦即係話,我哋今時今日嘅飲食習慣、衝突同性慾之所以係如此嘅模樣,正正係因為我哋仲保留住狩獵採集者嘅頭腦,但係卻身處喺工業化嘅環境,生活喺超級城市、搭緊飛機、用緊電話同電腦。「在這樣的環境下,我們比前人享有更多物質資源、擁有更長的壽命,但又覺得疏離、沮喪而壓力重重。」為咗了解疏遠同沮喪背後嘅原因,演化心理學家認為我哋需要深入研究狩獵採集者嘅世界——「因為那個世界其實現在還牢牢印記在我們的潛意識裡。」今集內容包括:石屎森林下的猿類——貪食基因理論/遠古公社理論:普遍化理論之困難文化的選擇——同伴社會最早漁村採集知識
- 禪宗入門合集——鈴木大拙同胡適對禪宗嘅兩種詮釋丨生活雜談EP44丨《六祖法寶壇經》、《鈴木大拙禪學入門》到底,我哋應該將佛陀嘅哲理,稱之為佛教定係佛學呢?你嘅答案,好可能決定你對呢套學問嘅態度。如果你對於呢個問題未有定案,或者你可以睇睇二十世紀影響世界理解禪宗嘅兩位學者——鈴木大拙同胡適,對禪宗所持有嘅不同態度。一、 胡適:將禪宗「拉回人間」胡適對禪宗嘅研究主要基於歷史文獻考據。佢唔將禪視為神秘的宗教體驗,而是將禪宗視為中國思想史上嘅一次革命運動。發現「神會」,重寫禪宗史傳統禪宗史認為六祖惠能係禪宗頭馬,但胡適用敦煌文本說明神會通過政治同辯論,,打敗當時勢力強大嘅「北宗」(神秀一系),令惠能成為正統六祖。打破禪宗「以心傳心」嘅神聖系譜,證明禪宗歷史傳承包含了人為嘅政治鬥爭同歷史構建。禪作為中國嘅佛教革命胡適認為禪宗係中國本土思想(特別係老莊思想)對印度繁瑣經院哲學嘅反動。將禪宗視作一種「人類智慧」,主張用理性同歷史的眼光解構禪宗史,去掉箇中神秘光環。二,鈴木大拙:將禪宗「推向世界」鈴木大拙強調宗教體驗,認為禪嘅核心在於超越邏輯嘅直覺。強調「悟」(Satori)同超越邏輯佢認為,胡適用歷史、邏輯去分析禪宗嘅方法,就好似用手指指月亮,卻只見到手指而錯過了月亮。佢主張禪係超越時空、超越歷史嘅真
- 【faker書單】睡眠的秘密9:清醒夢係咪偽科學?發夢發到改變世界、生出元素表!?睡眠科學家:「做夢的過程產生了人類歷史上最具革命性的躍升」丨生活雜談EP43丨《為什麼要睡覺》上集,我哋見到快速動眼睡眠嘅夢對精神同情緒嘅重要。今集,我哋就要睇下夢對於我哋嘅創造力、解難能力嘅影響,因為夢可以幫到我哋作「智慧化訊息處理」。甚至,有人為咗控制處理訊息嘅方法,仲嘗試引導自己嘅夢中經驗——亦即係我哋所講嘅清醒夢。為咗搵出呢段神秘嘅訊息處理過程到底發生咗啲乜嘢事,作者同一眾科學家諗出咗一啲「反人性」嘅實驗,藉由各種實驗,我哋會搵出夢嘅內容,透視住我哋對一件事嘅理解,以及了解快速動眼睡眠同非快速動眼睡眠嘅唔同作用……今集內容包括:「夢中發明」:我哋先睇下一啲靠住夢而「發明」出改變世界嘅概念嘅例子,例如係元素週期表「夢與整體知識:字謎實驗」:發夢同清醒時候嘅大腦,係用唔同方式運作。發夢時候,係偏向關注整體知識「夢與背後邏輯:迷宮實驗」:當你對一樣嘢唔理解、唔熟悉,有無試過發下夢就解決到難關?科學家用實驗發現……「清明夢」:清明夢係科學所證實定偽科學要明白夢點樣從從概念引發出知覺,我哋先睇下一啲靠住夢而「發明」出改變世界嘅概念嘅例子。
- 【faker書單】睡眠的秘密8:睡夢療法革命來襲!🧠✨呢種夢境竟然可以治癒抑鬱同PTSD?科學實證嘅夜間治療作用!丨生活雜談EP42丨《為什麼要睡覺》「我們正在剝奪青少年做夢的機會,讓他們邁向夢破產的狀態」——睡眠科學家Matthew Walker我哋成日都會叫青少年唔好發咁多夢。但係,你有無諗過,夢對於青少年而言,係極為重要嘅呢?今集,我哋就要睇睇科學家點樣理解夢嘅作用。喺長久以來,快速動眼睡眠時候所出現嘅夢,都被視為一種偶然現象。到底夢係可有可無,定係本身有一啲獨立於快速動眼睡眠嘅實質作用呢?科學家為咗回答呢個問題,決定從尋找快速動眼睡眠嘅功能入手——一旦了解快速動眼睡眠有咩功能,就可以檢驗同時發生嘅夢係唔係快速動眼睡眠嘅功能嘅決定因素。經過科學家嘅嘗試,科學家已經搵到快速動眼睡眠嘅兩個主要好處。而呢兩個功能上嘅好處,唔只需要快速動眼睡眠,仲需要夢——而且仲需要夢見特定事物。今集,我哋會睇睇第一項功能——同滋養我哋嘅情緒同心理健康有關。內容包括:夢的夜間治療理論:俗語話:「時間會治療一切傷痛」,但作者認為治療一切傷痛嘅,唔係時間,而係夢嘅夜間治療作用。為此,佢提出理論預測,因為當我哋發緊夢嘅時候,有一種同壓力相關嘅重要化學物質會有特別反應……情緒緩解實驗:有理論,就要有實驗嚟檢驗,一個有關情緒緩解嘅實驗,可唔可以證明到夢的夜間治
- 【《悉達多》合集(第一部)】「真假」佛陀:諾貝爾文學獎得主經典作品——佛陀化身流浪者,遠離法義、隻身思索之旅丨生活雜談EP41本次合集包括生活雜談10-12集內容,講述《悉達多》之第一部分。赫爾曼・黑塞(Hermann Karl Hesse)喺1946年榮獲諾貝爾文學獎,當中嘅致辭(Award ceremony speech)提到:“Hesse’s maternal grandfather was the famous Indologist Gundert. Thus even in his childhood the writer felt drawn to Indian wisdom. When as a mature man he travelled to the country of his desire he did not, indeed, solve the riddle of life; but the influence of Buddhism soon entered his thought, an influence by no means restricted to Siddhartha (1922) the beautiful story of a young Brahman’s s
- 牛哥解經(29):細讀心經(3)——心經之泯相證性觀,解「舍利子!是諸法空相:不生不滅,不垢不淨,不增不減。是故空中無色,無受想行識。」句丨印順法師,《般若波羅蜜多心經講記》按照慣例,我哋先將「舍利子!是諸法空相:不生不滅,不垢不淨,不增不減。是故空中無色,無受想行識。」稱之為「空無諸法」句,以方便討論。上次,我哋見到印順法師指出「舍利子。色不異空。空不異色。色即是空。空即是色。受、想、行、識,亦復如是。」(「不異即是」句)係一句加行——不過,由於呢種講法只係加行觀,終究未到終極。所以印順話:「但如滯留於此,不能親證空性,戲論於 『有即是空,空即是有』,即偏於內在的,即每每會落入泛神、理神的窠臼, 甚至圓融成執,弄到善惡不分,是非不辨。」呢點佢喺《佛法是救世之光》當中有更詳細講述。佢表示「不異即是句」當中嘅「色即是空」、「空即是色」「是被精簡了的,被公式化了的成語。」而佢點出咗一個特別嘅讀法——將「不異即是」句嘅前後句抽出,並列嚟睇。一標:「照見五蘊皆空,度一切苦厄」二釋:「舍利子!色不異空,空不異色;色即是空,空即是色。受、想、行、識,亦復如是」(「不異即是」句)三結:「舍利子!是諸法空相,不生不滅,不垢不淨,不增不減。是故空中無色,無受、想、行、識」。」(「空無諸法」句)呢種講法幾有趣。我哋有機會嘅話,之後再出一集講講將三段句子並列可以得出一個點樣嘅觀
- 牛哥解經(28):【莊周夢蝶與朝三暮四】兩個寓言,說明《齊物論》要旨,拆解莊子筆法嘅浪漫主義成份——99.9%人都解錯朝三暮四丨命中自由(2)丨《兩種自由的追求・莊子與沙特》上集我哋提到莊子同沙特都係擅長用文學表達自己哲學思想嘅大文豪,而佢哋嘅哲學思想亦都的確因為文學表述而得到更廣泛注意——就好似莊子嘅種種寓言故事,總比起《孟子》更令人容易接受。嚟緊兩集,我哋就會簡單以莊子同沙特嘅作品內容作為例子,顯示佢哋嘅哲學特質。由於命中自由係一個完整系列,上集講咗第一、二部分,今集就直接以第三部分開始。今集內容包括:三,觀莊子浪漫:上次講到莊子有種浪漫主義嘅色彩,今次就要用莊周夢蝶同朝三暮四嚟解釋一下莊子式嘅浪漫主義係點。而劉笑敢會將莊周夢蝶同朝三暮四對應《齊物論》嘅觀點,我哋就可以認識一下用更豐富思想嚟理解寓言嘅方法。
- 牛哥解經(27):【寓哲學於文學嘅大文豪】莊子同沙特:時差二千年,地隔八千里,以文學語言共同展開「痛苦探索」丨命中自由(1)丨《兩種自由的追求・莊子與沙特》——「莊子與沙特的生活年代、社會背景有極大不同,但他們都代表了社會下層(莊子)或社會中層(沙特)的知識分子在社會現實生活中找不到出路、卻又非要發現一條小路的痛苦探索」專門研究道家嘅劉笑敢喺一九八零年代寫咗《兩種自由的追求・莊子與沙特》(下稱《兩種自由》)呢本書仔,顧名思義,就係要將兩位相隔超過二千年嘅中西哲人作比較,更要對比兩者嘅自由觀。一睇到呢度,心水清嘅讀者就會問,到底兩者可唔可以有效咁比較呢?到底先秦哲學講唔講到「自由」呢?劉笑敢對於呢兩條問題嘅答案都係:可以。喺呢個總共四到五集嘅小系列「命中自由」,我希望能夠同你用少少嘅時間,重溫兩位哲人從巨大嘅「命」限底下,所思索嘅自由。為此,我哋會睇下點解莊子同沙特係可以有效對比,以及兩者對自由嘅睇法到底係點。由於我唔完全同意劉笑敢嘅論述(佢本人喺《兩種自由》寫完十年後,寫嘅〈後記〉亦指出《兩種自由》嘅限制或未盡之處),所以我並唔會只使用《兩種自由》嘅理解。而我會使用劉笑敢嘅論述,只係因為箇中有令人容易記憶、以及有部分有意義嘅對比。對於沙特哲學嘅補充,會使用勞思光嘅《存在主義哲學新編》;對於莊子哲學嘅補充,會使用徐復觀嘅《中國人性論史》。今
- 【唯一突破生物限制嘅存在】「認知革命正是歷史學從生物學脫離而獨立存在的起點。」——由同黑猩猩無異,到成為萬物主宰丨生活雜談EP39丨《人類大歷史》(4)丨哈拉瑞史觀4.2當我同你講:「原始人因為相信鬼神,所以每次月圓之夜,都會喺營火旁邊跳舞,以此鞏固佢哋嘅社會秩序」,你好可能會覺得理所當然——因為你會有一個預設,遠古人類好原始,所以要信埋晒啲虛構嘅嘢。但係,相信虛構嘅嘢並唔係遠古人類嘅專利。因為現代社會嘅運作機制,一樣倚賴於虛構嘅嘢。「以現代商業領域為例,商人和律師其實就是法力強大的巫師。」哈拉瑞認為,現代人嘅故事比起過去部落嘅巫師可謂過之而無不及、仲要誇張。而寶獅汽車(Peugeot)嘅故事,就係相當好嘅例子。今集內容包括以下部分:寶獅汽車:「公司」呢個概念並唔係現實地存在,但佢卻成為咗人類社會極為重要嘅概念。上次我哋講到家庭企業可以用八卦嚟維繫,但當一間家庭企業變成跨國企業,咁佢嘅營運模式就會大有不同,我哋會藉由寶獅汽車嚟開始思考乜嘢係虛構存在。雙重現實:《連結》嘅哈拉瑞,分出三重現實;而《人類大歷史》仲分緊做兩重現實。我哋依然會睇睇佢點講。突破基因演化:上集我哋用黑猩猩社會講咗自然情況下嘅社會極限,今集我哋會更詳細講下虛構故事嘅靈活。遠距離貿易與百人狩獵:尼安德塔人同智人嘅分別,可能就在於遠距離貿易同百人狩獵。歷史學之始:哈拉瑞認為,「認知革命正
- 《人類大歷史》作者哈拉瑞最新作,《連結》(4)丨【詩人建國,文件治國】——簡述以色列嘅真正建國史;文件點解係反人類天性?丨得閒讀書會(21)丨〈文件 紙老虎也會咬人〉喺上一章我哋提到,「故事」係人類最早研發出嚟嘅重要資訊技術,奠定咗人類所有大規模合作嘅可能性,亦都令到人類成為咗地球上最強大嘅動物。但係,故事作為資訊技術,亦都有佢嘅限制。要明白故事嘅限制,就要從佢嘅原型開始講起。之前提到「國家是主體間的現實」,咁就係講緊國家就係一種重要嘅故事。而好多國家最早都係出現喺詩人嘅想像當中。就好似依家嘅以色列人回想起艾倫索恩同地下組織 NILI,就會話佢哋就係最早嘅猶太復國主義者,從1910年代開始,就冒着生命危險,喺巴勒斯坦建立一個猶太國家。我哋可以追問, NILI嘅成員又係從邊度得到建國嘅諗法呢?答案,就係受上一個世代嘅詩人、思想家所啟發,例如係赫茨爾(Theodor Herzl)、比亞利克(Hayim Nahman Bialik)。我諗哈拉瑞之所以要以以色列建國史作為例子,一方面係因為佢係猶太裔歷史學家,對呢段歷史特別熟悉,另一方面,佢提出國家就係源自於「夢想、詩歌、幻想」,但係佢唔用過去嘅希臘史,咁就係因為佢想表示,即使去到現代,依然搵到例子。今集內容包括以下部分:00:00 開講07:52 建國詩人:從以色列建國史,我哋會見到詩人同理想家點樣成為民
- 【智人:最八卦嘅靈長類】簡述始於七萬年前嘅認知革命;三個理論,說明智人語言嘅獨特之處丨生活雜談EP38丨《人類大歷史》(3)丨哈拉瑞史觀4.1我哋喺《人類大歷史》嘅第一章提到,雖然智人一早喺十五萬年前就已經出現咗喺東非,但係一直要去到大約七萬年前,智人先開始大規模咁樣遷徙到其他地區,而咁啱得咁蹺,其他人種就開始慢慢滅絕。其實,喺幾萬年前,呢啲遠古嘅智人嘅外表已經同我哋非常之神似,大腦容量亦都差唔多,但係佢哋相比起其他人種,睇唔到有啲乜嘢特別嘅優勢,亦都無乜嘢犀利嘅工具,喺人種之間,表現平平無奇。甚至,喺十萬年前,有幾班智人已經率先離開東非,向北遷徙到地中海嘅東部,踏入到尼安德洛塔人嘅領域,但係冇幾耐之後,佢哋就定居唔到落去。呢一班智人失敗嘅原因,冇人能夠確知,可能係因為當地人太過強大、亦都可能因為當地嘅氣候過於寒冷、又或者適應唔到當地嘅寄生蟲。無論原因係乜嘢,我哋都能夠知道,喺七萬年前嘅大遷徙之前,智人一早已經嘗試過遷移,只係失敗告終,而尼安德塔人仍然係中東嘅霸主。正正係因為智人嘅表現睇落唔係咁好,所以有一啲學者推測,呢一啲智人嘅大腦內部結構仍然同我哋好唔同。即係size上係差唔多,但係認知能力(學習、記憶、溝通)仍然好受限,而你可能同唔到呢啲遠古智人溝通,因為佢哋未必學得識廣東話、接受馬克思主義嘅教條、明白演化論。「(不過